გიორგი კვირიკაშვილი: დროა, ქვეყანაში შავი ჯიპების ეპოქა დავასრულოთ

გიორგი კვირიკაშვილი: დროა, ქვეყანაში შავი ჯიპების ეპოქა დავასრულოთ

საქართველოს პრემიერმინისტრი გიორგი კვირიკაშვილი მთავრობის დღევანდელ სხდომაზე გამოვიდა ინიციატივით, რომ მინისტრთა კაბინეტმა „შავი ჯიპები“ ეკოლოგიურად სუფთა ტრანსპორტით ჩაანაცვლოს.

"მინდა, მთავრობის ადმინისტრაციის ხელმძღვანელს მივმართო, რომ დროა, შავი ჯიპების ეპოქა დავასრულოთ საქართველოში, რადგან ყველას აღიზიანებს, მათ შორის მეც.
ეს არის გარკვეულად დამკვიდრებული პრაქტიკა, ვფიქრობ, როცა საუბარი იქნება პარკის შეცვლაზე, ჩვენ ამ შავ ფერზე უარი ვთქვათ, რადაგნ ვფიქრობ, დროა გადავიდეთ პირველ რიგში ეკოლოგიურად სუფთა ტრანსპორტზე და ჩავანაცვლოთ პირველ რგიში მინისტრების დონეზე, არა მხოლოდ მთავრობის, მთლიანად ხელისუფლების წარმომადგენლებს ეხებათ ეს, მათ შორის ძალოვან უწყებებსაც.

არავის დაუწერია წესი, რომ მაინცდამაინც შავი ჯიპით უნდა იაროს თუნდაც სამართალდამცავმა, ამიტომ ეს დაიწყება მინისტრებისგან და გავრცელდება თანდათან ყველგან. ამას ერთბაშად ვერ გავაკეთებთ, დიდი ფინანსური რესურსი დასჭირდება, მაგრამ მინისტრებმა დავიწყოთ და შემდეგ მოგვბაძავენ სხვები“, - აღნიშნა გიორგი კვირიკაშვილმა.
მისი თქმით, გამონაკლისი შეიძლება იყოს დელეგაციების დახვედრისას, თუ ამას ეტიკეტი მოითხოვს.

„ამ შემთხვევაში შეიძლება გამონაკლის დავუშვათ, სხვა არც ერთ შემთხვევაში ჩემტვის არ იქნება მისაღები.

მგონია, ეს შავი მანქანების ეპოქა უნდა დავსრულოთ. საერთაშორისო ორგანიზაციები თეთრი მანქანებით მოძრაობენ, არ მგონია, უსაფრთხოების კუთხით რაიმე კომპრომისს უკავშირდებოდეს სხვა ფერის მანქანით სარგებლობა. უარი უნდა ვთქვათ შავი, დაბურული ჯიპებით სიარულზე“,-განაცხადა პრემიერმა.

შეგახსენებთ, დღეს იაპონიამ საქართველოს 96 ჰიბრიდული და ელექტრომანქანა აჩუქა, რომელიც საპატრულო პოლიციას გადაეცა. აღნიშნულ საკითხზე საქართველოს პრემიერმინისტრმა გიორგი კვირიკაშვილმა მთავრობის სხდომაზეც.

„ერთობლივად მივიღეთ გადაწყვეტილება, რომ 96-ვე მანქანა გადაგვეცა საპატრულო პოლიციისთვის, რაც ვფიქრობ, კარგი გადაწყვეტილება იყო. საუბარია ჰიბრიდულ და ელექტრომანქანებზე, ეს არის მთლიანად ეკოლოგიურად სუფთა ტრანსპორტი“, - განაცხადა გიორგი კვირიკაშვილმა.

პრემიერი: აშშ-ის უწყვეტი მხარდაჭერით საქართველოში გაძლიერდა სახელისუფლებლო ინსტიტუტები

პრემიერი: აშშ-ის უწყვეტი მხარდაჭერით საქართველოში გაძლიერდა სახელისუფლებლო ინსტიტუტები

21 მაისი, 2018

"აშშ-ის უწყვეტი მხარდაჭერის წყალობით საქართველოში განხორციელდა დემოკრატიის კონსოლიდაცია, გაძლიერდა სახელისუფლებლო ინსტიტუტები და შეიქმნა მეტი შესაძლებლობა არა მხოლოდ საქართველოს, არამედ მთელი რეგიონის ეკონომიკური განვითარებისთვის", -...

ახალი სტატიები