თეა წულუკიანი: არასრულწოვანთა იძულებით გათხოვების ფაქტები თბილისშიც ბევრია და ბათუმშიც

თეა წულუკიანი: არასრულწოვანთა იძულებით გათხოვების ფაქტები თბილისშიც ბევრია და ბათუმშიც
04 / 02 / 2018 20:56

ოფიციალური მონაცემებით, საქართველოში მცხოვრები ქალების 17 პროცენტი 18 წლის შესრულებამდე დაქორწინდა. საქართველოში ადრეულ ასაკში ქორწინების საკანონმდებლო რეგულირება საერთაშორისო მიდგომებს შეესაბამება, თუმცა სინამდვილეში განსხვავებული მდგომარეობა გვაქვს. იმის გამო, რომ ადრეული ქორწინება ხშირად არ არის ოფიციალურად დარეგისტრირებული (16 წლის ასაკს მიუღწეველი პირი ოფიციალურად ვერ შეძლებს ქორწინების დარეგისტრირებას), არ არსებობს ინფორმაცია დარეგისტრირებული ქორწინებების რიცხვის შესახებ.

საქართველოში ადრეული ქორწინების პრობლემა საკმაოდ აქტუალური იყო და არის ამჟამადაც. სხვა ფაქტორებთან ერთად, იგი გენდერულ, კულტურულ, რელიგიურ, ეთნიკურ თუ რეგიონულ ფაქტორებს უკავშირდება.

ადრეულ ასაკში ქორწინება მხოლოდ კერძო პირებს შორის არსებული პრობლემა არ არის, საკითხი ბევრად მასშტაბურია და მთელი საზოგადოების წინაშე მდგარ ერთ-ერთ ყველაზე მწვავე სოციალურ-კულტურულ პრობლემას ასახავს. ადრეული ქორწინების პრაქტიკის სიმტკიცეს ხელს უწყობს საზოგადოებაში გავრცელებული წარმოდგენებიც, თითქოს ოჯახის საქმეებში ჩარევა მიზანშეწონილი არ არის მაშინაც კი, როცა კანონი ირღვევა.

თუმცა ის მოსაზრება, რომ ასეთი რამ მხოლოდ კონკრეტულ რეგიონებში ხდება და კონკრეტულ სოფლებში, სიმართლეს არ შეესაბამება.

ამის შესახებ „აიპრესთან“ ინტერვიუში იუსტიციის მინისტრმა, თეა წულუკიანმა განაცხადა. ინტერვიუს ვრცელ ვერსიას უახლოეს დღეებში შემოგთავაზებთ.

- მიუხედავად იმისა, რომ არასრულწლოვნების იძულებით გათხოვებაზე კანონმდებლობა გამკაცრდა, ეს ფაქტები მაინც ფიქსირდება. ხდება თუ არა იუსტიციის სამინისტროს მიერ აღრიცხვა, რამდენი არასრულწლოვანი გაათხოვეს ძალით. ეწევათ თუ არა იძულებით გათხოვილ არასრულწლოვან გოგოებს უფასო იურიდიული დახმარება. ამასთან, არასრულწლოვნების თუნდაც ნებით გათხოვების შემთხვევაში, ხომ არ ფიქრობთ რომ სახელმწიფომ უნდა იზრუნოს მათთვის ზოგადი განათლების მიცემაზე?

- ამ პრობლემის მოსაგვარებლად არაერთი ნაბიჯი გადავდგით ყველამ - იუსტიციამ, პარლამენტმა და სხვათაშორის, იმ ომბუდსმენმაც, რომელიც ახლა აღარ არის ომბუდსმენი და რომელმაც თავიდან არც თუ ისე ცუდად დაიწყო თავისი საქმე. ვგულისხმობ საკანონმდებლო ცვლილებებს.

პრაქტიკაში გვაქვს დიდი პრობლემა და ამ კუთხით უნდა ვიპოვოთ გამოსავალი. როდესაც ამგვარი ქორწინება ხდება ფაქტობრივად, როგორც წესი, ქორწინებას არ არეგისტრირებენ, რადგან იციან რომ მიიღებენ უარს და ჩვენ გადავცემთ სამართალდამცველებს ინფორმაციას. ამიტომ არ მოდიან. თუმცა, იძულებულები არიან მოვიდნენ ჩვენთან მაშინ, როცა ჩნდება ბავშვი.

როცა ჩვენ ვარეგისტრირებთ დაბადებას, იქ ვხედავთ, რომ ბავშვის ჩასახვის მომენტში მშობელი იყო არასრულწლოვანი. ასეთ საქმეებს გადავცემთ სამართალდამცველებს და იწყება გამოძიება. პრობლემა არის ის, რომ უკვე სახეზეა ოჯახი, ბავშვი და პროკურატურას თუ პოლიციას იმ მამაკაცის დევნა და შეიძლება წინასწარ პატიმრობაში მოქცევაც უწევს, რომელიც უკვე ქმარი და მამაა. ეს იწვევს თვითონ მეუღლის აგრესიას, რომელიც ახლა უკვე სრულწლოვანია და ამბობს, რომ მას სახელმწიფო ოჯახს უნგრევს და ბავშვი რჩება უმამოდ. ეს არის სერიოზული დილემა, რა უნდა გააკეთოს ამ დროს სახელმწიფომ? რა თქმა უნდა, პროკურორს აქვს დისკრეცია, რომ შესაბამისი ნაბიჯები გადადგას როცა სახეზეა ოჯახ, რადგან ოჯახის ნგრევის უფლება სახელმწიფოსთვის არავის მიუცია.

მე მაინც მგონია, რომ ამ პრობლემის გადაჭრის გზა გადის ასეთ საზოგადოებებში უფრო მეტი გახსნილობის, მეტი განათლების შეტანით. გოგონების დახმარებით, რომ თვითონ მარტივად არ დაჰყვნენ მშობლის ნებას. მარტო სისხლის სამართლის კოდექსის იმედად ვერ ვიქნებით.

არის ასეთი სტერეოტიპიც რომ ასეთი ქორწინებები ხდება ზოგიერთ რეგიონში მხოლოდ, მაგრამ მინდა გითხრათ, ასეთი ფაქტები მრავლად ხდება თბილისშიც, ბათუმშიც და შეიძლება სულაც არ იყოს ის რეგიონები, სადაც ჰგონიათ, რომ ტრადიციულად ხდება.

Get Adobe Flash player

მსგავსი სტატიები

პოპულარული სტატიები

    პედაგოგი: არანაირი მოტივაცია აღარ გამაჩნია

პედაგოგი: არანაირი მოტივაცია აღარ გამაჩნია

    ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

    თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

    ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

    2016-2017 სასწავლო წლის სკოლის გამოსაშვები გამოცდების პროგრამები დამტკიცდა

2016-2017 სასწავლო წლის სკოლის გამოსაშვები გამოცდების პროგრამები დამტკიცდა

    ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

    მარიამ ჯაში: ხელფასი დაახლოებით 20 000 პედაგოგს მოემატება

მარიამ ჯაში: ხელფასი დაახლოებით 20 000 პედაგოგს მოემატება