კახა კალაძე: თბილისელებს ყველანაირი შესაძლებლობა ექნებათ ქალაქის მართვაში ჩაერთონ

კახა კალაძე: თბილისელებს ყველანაირი შესაძლებლობა ექნებათ ქალაქის მართვაში ჩაერთონ
06 / 02 / 2018 10:06

დედაქალაქის მერი კახა კალაძე ევროპის "ღია მმართველობის პარტნიორობის" (OGP) ლიდერთა ფორუმს დაესწრო. თბილისის მერმა ფორუმის მონაწილეებს ღია მმართველობისა და მოქალაქეთა ჩართულობის კუთხით დაგეგმილი სიახლეები გააცნო.

თბილისის მერიამ ფორუმის ფარგლებში გამართულ სადისკუსიო სესიაზე, დამსწრე საზოგადოებას ახალი ელექტრონული პეტიციების პორტალი - „შენი იდეა ქალაქის მერს” წარუდგინა, რომელიც სამოქალაქო და ბიზნესსექტორის აქტიური ჩართულობითა და პარტნიორ ორგანიზაციებთან მჭიდრო თანამშრომლობით განხორციელდა.

კახა კალაძის განცხადებით, მისასალმებელია, რომ თბილისი ერთ-ერთი პირველი დედაქალაქია, რომელიც "ღია მმართველობის პარტნიორობას" შეუერთდა და წელს, გლობალური სამიტის მასპინძელი ქალაქი სწორედ ის იქნება.

"ძალიან მნიშვნელოვანი ფორუმი იყო, რომელსაც ორგანიზაციის წევრი ქვეყნების წარმომადგენლები ესწრებოდნენ. მათ ღია მმართველობასთან დაკავშირებით ჩვენი ხედვები გავაცანით, თუ რა პროექტების განხორციელებას ვაპირებთ მომდევნო წლების განმავლობაში. პირველი პროექტი "შენი იდეა ქალაქის მერს" უკვე მომზადებულია, რომლის პრეზენტაციასაც მომდევნო დღეებში დედაქალაქის მოსახლეობისთვის გავმართავთ. მათ ექნებათ ყველანაირი შესაძლებლობა, რომ ქალაქის მართვაში ჩაერთონ, ასევე წარმოადგინონ გარკვეული პროექტები, რომელიც შესაძლებელია, მომდევნო წლების განმავლობაში დედაქალაქის მერიამ მათთან ერთად განახორციელოს", - განაცხადა კახა კალაძემ.

მისი თქმით, "ღია მმართველობის პარტნიორობის" გლობალური სამიტის ფარგლებში, 17 ივლისს, თბილისს 75-მდე ქვეყნის წარმომადგენელი ეწვევა, რაც მსოფლიოსთვის საქართველოს გაცნობის კიდევ ერთ შესაძლებლობას იძლევა.

"ეს ღონისძიება მნიშვნელოვანია იმისთვის, რომ შეგვიძლია, მსოფლიოს ჩვენი ქვეყანა და ის პროექტები გავაცნოთ, რომელიც ღია მმართველობასთან დაკავშირებით გვაქვს დაგეგმილი. მოხარული ვართ, რომ ჩვენს დედაქალაქს ეს შესაძლებლობა მიეცა", - აღნიშნა თბილისის მერმა.
ევროპის "ღია მმართველობის პარტნიორობის" ლიდერთა ფორუმს, OGP-ის აღმასრულებელი კომიტეტის თავმჯდომარის რანგში, საქართველოს იუსტიციის მინისტრი თეა წულუკიანი დაესწრო. 

Get Adobe Flash player

მსგავსი სტატიები

პოპულარული სტატიები

    პედაგოგი: არანაირი მოტივაცია აღარ გამაჩნია

პედაგოგი: არანაირი მოტივაცია აღარ გამაჩნია

    ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

    თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

    ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

    2016-2017 სასწავლო წლის სკოლის გამოსაშვები გამოცდების პროგრამები დამტკიცდა

2016-2017 სასწავლო წლის სკოლის გამოსაშვები გამოცდების პროგრამები დამტკიცდა

    ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

    მარიამ ჯაში: ხელფასი დაახლოებით 20 000 პედაგოგს მოემატება

მარიამ ჯაში: ხელფასი დაახლოებით 20 000 პედაგოგს მოემატება