პანკისის ხეობის საჯარო სკოლები 100-ზე მეტმა მოსწავლემ დატოვა

პანკისის ხეობის საჯარო სკოლები 100-ზე მეტმა მოსწავლემ დატოვა

ბოლო რამდენიმე თვის განმავლობაში პანკისის ხეობის საჯარო სკოლები 100-ზე მეტმა მოსწავლემ დატოვა, მათ შორის სოფელ დუმასტურსა და ომალოში 60, დუისიში 43, ხოლო ჯოყოლოსა და ბირკიანში 26 მოსწავლე აღარ ესწრება გაკვეთილებს. სკოლების დირექტორთა თქმით, ბავშვების სკოლიდან გაყვანის მთავარ მიზეზად მშობლები ხეობაში არსებულ მძიმე სოციალურ ფონს ასახელებენ.

"ჩვენი სკოლიდან ბოლო პერიოდის განმავლობაში 34 მოსწავლე წავიდა, მათი უმეტესობა მშობლებმა საზღვარგარეთ წაიყვანეს. მასობრივი მიგრაციის ძირითად მიზეზად ოჯახები რთულ ეკონომიკურ ვითარებას და უმუშევრობის მაღალ დონეს ასახელებენ. მიგრაციის ასე გააქტიურებას, ვფიქრობ, ხელი ვიზალიბერალიზაციამაც შეუწყო. მთლიანობაში ეს არასასიამოვნო ტენდენციაა პანკისის ხეობისათვის,“ - აცხადებს დუმასტურის საჯარო სკოლის დირექტორი, რუსუდან ბორჩაშვილი.

ხეობაში ადგილობრივები აქტიურად საუბრობენ მოსახლეობის მასობრივ გადინებაზე და ამ ფაქტს სხვადასხვა მიზეზებით ხსნიან. მათი თქმით, ხეობიდან მოსახლეობის, ძირითადად კი ახალგაზრდების გადინება ეკონომიკური ფაქტორების გარდა, ბოლო დროს განვითარებულ მოვლენებთან და 26 დეკემბერს ჩატარებულ სპეცოპერაციასთანაც არის კავშირში. ადგილობრივები ამბობენ, რომ ახალგაზრდები დაუცველად გრძნობენ თავს და ქვეყანას ტოვებენ.

ხეობაში დაწყებულ მიგრაციაზე საუბრობს ახმეტის მერის წარმომადგენელი დუისში, თამარ მარგოშვილი.

"სამწუხარო ტენდენციაა ნამდვილად, ამას ხელი შეუწყო უვიზო მიმოსვლამ, ასევე რთულმა სოციალურმა მდგომარეობამ, რომელიც ხეობაშია. ჩემი ინფორმაციით, თებერვლის ბოლომდე მხოლოდ სოფელ დუისიდან კიდევ 10-მდე ოჯახი აპირებს გამგზავრებას.“ - განაცხადა თამარ მარგოშვილმა.

ძლიერი წვიმის გამო დატბორილი ქუჩები- ფოტორეპორტაჟი ბათუმიდან

ძლიერი წვიმის გამო დატბორილი ქუჩები- ფოტორეპორტაჟი ბათუმიდან

10 აგვისტო, 2018

ძლიერი წვიმის გამო ბათუმში ქუჩები და საცხოვრებელი სახლები დაიტბორა. ქალაქში მიმდინარეობს საცხოვრებელი სახლების სარდაფებიდან წყლის ამოტუმბვითი სამუშაოები.  საგანგებო სიტუაციების მართვის სამსახურის ინფორმაციის, ამ დროისათვის შემოსულია...

ახალი სტატიები