საკრებულოში ბინათმესაკუთრეთა ამხანაგობის დაფინანსების წესში შესატან ცვლილებებზე მსჯელობენ

საკრებულოში ბინათმესაკუთრეთა ამხანაგობის დაფინანსების წესში შესატან ცვლილებებზე მსჯელობენ

თბილისის საკრებულოში მიმდინარე სხდომაზე ბინათმესაკუთრეთა ამხანაგობის წესში შესატან ცვლილებებზე მსჯელობენ. საკითხი დეპუტატებს თბილისის მერის მოადგილემ ილია ელოშვილმა წარუდგინა, რის შემდეგაც განცხადებები საკრებულოს უმრავლესობის წევრებმა გააკეთეს.

მათი თქმით, თუ აქამდე ბინათმესაკუთრეთა ამხანაგობის პროექტები გამგეობის თანადაფინანსებით ხორციელდებოდა, ცვლილებების მიღების შემდეგ რაიონული გამგეობები აღნიშნულ პროექტების ძირითად მიმართულებებს 100%-ით დააფინანსებს.

ამხანაგობებს მხოლოდ იმის ვალდებულება დაეკისრებათ, რომ გამგეობის მიერ დაფინანსებული პროექტის ღირებულების 10% შეაგროვონ და შემდგომში მათივე საჭიროებების შესაბამისად განკარგონ. ამასთანავე, დეპუტატების განმარტებით, სოციალურად დაუცველი მოქალაქეები, გამგეობაში შესაბამისი დოკუმენტაციის წარდგენის შემთხვევაში, აღნიშნული ვალდებულებისგანაც გათავისუფლდებიან.

საკრებულოს უმრავლესობის წევრებმა წარმოდგენილი ცვლილებები დადებითად შეაფასეს. მათი თქმით, ცვლილებები თვითმმართველობის არსს, მმართველობით პროცესში მოსახლეობის მაქსიმალურ ჩართვას ემსახურება. ამასთანავე, მოსახლეობაში საერთო სარგებლობაში არსებული ფართების მოვლა-პატრონობის, პასუხისმგებლობის განცდის შექმნას ისახავს მიზნად.

საკრებულოს წევრების განმარტებით, ბინათმესაკუთრეთა ამხანაგობის წესში შესატანი ცვლილებები საბიუჯეტო სახსრების არამიზნობრივად ხარჯვის რისკების პრევენციასაც მოახდენს და სამუშაოების ხარისხსაც დახვეწავს.

შალვა შავგულიძე, შალვა თადუმაძე, ნინო გოგნიაშვილი - მთავარი პროკურორობის სამი კანდიდატი

შალვა შავგულიძე, შალვა თადუმაძე, ნინო გოგნიაშვილი - მთავარი პროკურორობის სამი კანდიდატი

06 ივლისი, 2018

იუსტიციის მინისტრის მოვალეობის შემსრულებელმა მიხეილ სარჯველაძემ საპროკურორო საბჭოს მთავარი პროკურორობის კანდიდატები წარუდგინა. 4 ივლისს ამოიწურა ვადა, როცა კანონით განსაზღვრულ პირებს შეეძლოთ კანდიდატების წარდგენა. შედეგად გამოვლენილი...

ახალი სტატიები