შავგულიძე: არჩევნების დროს კრიმინალური ავტორიტეტები "ოცნების" შტაბებთან თანამშრომლობდნენ

შავგულიძე: არჩევნების დროს კრიმინალური ავტორიტეტები "ოცნების" შტაბებთან თანამშრომლობდნენ
09 / 02 / 2018 17:58

"თავისუფალი დემოკრატების" ლიდერი შალვა შავგულიძე აცხადებს, რომ არჩევნების დროს ხელისუფლება კრიმინალურ ავტორიტეტებს პარტიული ინტერესებისთვის იყენებდა.

როგორც შავგულიძემ "აიპრესთან" საუბრისას თქვა, ძალიან ბევრი საჩივარი იყო, რომ ეს კრიმინალები "ოცნების" ძალიან ბევრ შტაბთან თანამშრომლობდნენ. თუმცა, პოლიტიკოსი კონკრეტულ გვარებს არ ასახელებს. ამბობს, რომ გვარები არ ჩაუწერია, თუმცა აღნიშნავს, რომ ამ განცხადებას მთელი პასუხისმგებლობით აკეთებს.

"ზოგადად კრიმინალური სამყაროს მიმართ ლოიალური დამოკიდებულების გამოხატვა. ეს არ უნდა აგვერიოს ჰუმანიზმთან. ჰუმანიზმის მომხრე ყოველთვის ვარ, მაგრამ ლოიალობა არ უნდა იყოს მიმართული იქით, რომ კრიმინალური ავტორიტეტები და კრიმინალური სამყაროს წარმომადგენლები ხელისუფლებამ გამოიყენოს პარტიული ინტერესებისთვის. ყველასთვის ცნობილია, რომ არჩევნებზე ხშირ შემთხვევაში ასეთ პირებზე დაყრდნობა ხდება. შესაბამისად კრიმინალური სამყარო უფრო თავისუფლად მოქმედებს და როცა ხელისუფლება თვითონ გვთავაზობს ქვეყნის მართვის აგრესიულ სტილს საზოგადოებრივი და პოლიტიკური ცხოვრების, მაშინ ეს აისახება საზოგადოებრივ ცხოვრებაშიც“, - განაცხადა შალვა შავგულიძემ „აიპრესთან“ საუბრისას.

კითხვაზე, რომელი კრიმინალები გამოიყენა „ქართულმა ოცნებამ“ პარტიული ინტერესებისთვის არჩევნების პერიოდში და თუ შეუძლია კონკრეტული გვარების დასახელება? - შავგულიძე ასე პასუხობს:

„ვმონაწილეობდი რამდენიმე არჩევნებში და ძალიან ბევრი იყო საჩივრები გამოთქმული სწორედ იმაზე, რომ კრიმინალური ავტორიტეტები პირდაპირ ხელისუფლების შტაბებთან თანამშრომლობდნენ და დიდ გავლენას ახდენდნენ არჩევნებზე.

რაც შეეხება კონკრეტულ გვარებს, სიმართლე გითხრათ, კონკრეტული გვარები და სახელები რომელ უბანზე ვინ რა თქვა, არ ჩამიწერია, მაგრამ მთელი პასუხისმგებლობით ვაცხადებ, რომ თბილისის ბევრ უბანში ეს იყო გამოყენებული.

ეს არის ერთი საკითხი, მეორეა თავად ძალადობრივი ფაქტები, რომელიც არჩევნების დროს დაფიქსირდა. ეს იყო კორცხელი ფაქტი თუ სხვა როდესაც თბილისიდან იყვნენ ჩაყვანილი სპორტსმენები. ზოგი სპორტსმენი არც იყო... მათ არჩევნების დროს იძალადეს პოლიტიკურ ლიდერებზე, ეს რომ არ გამოძიებულა ესეც არის კრიმინოგენური ვითარების ერთ-ერთი მთავარი მიზეზი. არათუ არ გამოძიებულა, არამედ წახალისებულებიც კი იქნენ. საზღვარგარეთ იყვნენ გაგზავნილი, პრემიები გამოეწერათ სამსახურის აქტივზე და ა.შ. როდესაც ხელისუფლება ნახულობს ამ სტილს, შემდეგ ეს ასახვას პოულობს საზოგადოებაშიც“, - გვითხრა შალვა შავგულიძემ.

Get Adobe Flash player

მსგავსი სტატიები

პოპულარული სტატიები

    პედაგოგი: არანაირი მოტივაცია აღარ გამაჩნია

პედაგოგი: არანაირი მოტივაცია აღარ გამაჩნია

    ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

    თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

    ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

    2016-2017 სასწავლო წლის სკოლის გამოსაშვები გამოცდების პროგრამები დამტკიცდა

2016-2017 სასწავლო წლის სკოლის გამოსაშვები გამოცდების პროგრამები დამტკიცდა

    ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

    მარიამ ჯაში: ხელფასი დაახლოებით 20 000 პედაგოგს მოემატება

მარიამ ჯაში: ხელფასი დაახლოებით 20 000 პედაგოგს მოემატება