ხობში, ყულევის ტერიტორიაზე მილიარდ დოლარიანი ნავთობგადამამუშავებელი ქარხანა აშენდება

ხობში, ყულევის ტერიტორიაზე მილიარდ დოლარიანი ნავთობგადამამუშავებელი ქარხანა აშენდება

ხობის რაიონში, ყულევის ტერიტორიაზე ნავთობგადამამუშავებელი ქარხანა აშენდება. აღნიშნულთან დაკავშირებით ფოთის ადმინისტრაციულ შენობაში დღეს საჯარო განხილვა მოეწო. ქარხნის მშენებლობა- ექსპლუატაციის პროექტი, შეკრებილ საზოგადოებას შპს „ფაზის ოილმა“ წარუდგინა.

კომპანიის დირექტორის გია შავდიას თქმით, ყულევთან, მდინარე რიონის მარჯვენა სანაპიროზე, ევროსტანდარტების შესაბამისი ტექნოლოგიებით აღჭურვილი, საშუალო სიმძლავრის ნავთობგადამამუშავებელი საწარმოს აშენება, მიმდინარე წლის სექტემბრის ბოლოს დაიწყება:

"ქარხნის წარმადობა გათვლილია 4 მლნ ტონა ნავთობის გადამუშავებაზე. ბოლო წლების განმავლობაში, საქართველოში ნავთობის საშუალო წლიური მოპოვება დაახლოებით 70 ათასი ტონაა.აქედან გამომდინარე, ადგილზე მოპოვებული ნედლი ნავთობი ვერ დატვირთავს საპროექტო ქარხანას და იგი ძირითადად აქცენტირებული იქნება იმპორტირებული ნათობის გადამუშავებაზე . ქარხანა აწარმოებს „ევრო 5 „ სტანდარტის, ან მისი ეკვივალენტური, ან საქართველოს კანონმდებლობთ დადგენილი სტანდარტების მსუბუქი და საშუალო დისტილატებს და სხვა ნავთობპროდუქტებს.წარმოებული პროდუქციის მნიშვნელოვანი ნაწილი შეღავათიან ფასებში რეალიზებული იქნება ადგილობრივ ბაზარზე.საქმიანობის ამ ეტაპზე ქარხნის ტერიტორიიდან ნედლი ნავთობის და წარმოებული პროდუქციის გადაზიდვა, გათვალისწინებულია სახმელეთო ტრანსპორტით“, - განაცხადა გია შავდიამ.

პროექტის ღირებულება მილიარდ დოლარს შეადგენ. ქარხნის მშენებლობაზე 600-700 ადამიანის დასაქმება იგეგმება.

ძლიერი წვიმის გამო დატბორილი ქუჩები- ფოტორეპორტაჟი ბათუმიდან

ძლიერი წვიმის გამო დატბორილი ქუჩები- ფოტორეპორტაჟი ბათუმიდან

10 აგვისტო, 2018

ძლიერი წვიმის გამო ბათუმში ქუჩები და საცხოვრებელი სახლები დაიტბორა. ქალაქში მიმდინარეობს საცხოვრებელი სახლების სარდაფებიდან წყლის ამოტუმბვითი სამუშაოები.  საგანგებო სიტუაციების მართვის სამსახურის ინფორმაციის, ამ დროისათვის შემოსულია...

ახალი სტატიები