აჭარის მთავრობის თავმჯდომარე ზურაბ პატარაძე გახდა

აჭარის მთავრობის თავმჯდომარე ზურაბ პატარაძე გახდა

აჭარის მთავრობის თავმჯდომარე, ზურაბ პატარაძე გახდა. პრეზიდენტის მიერ წარდგენილ მის კანდიდატირას კენჭი, უმაღლეს საბჭოში დღეს უყარეს. პატარაძემ, „ქართული ოცნების“ დეპუტაციის, სრული შემადგენლობის მხარდაჭერა, 14 ხმა მიიღო.
როგორც უმრავლესობაში აცხადებენ, გადაწყვეტილება ერთხმად, შიდა კონსულტაციების შედეგად მიიღეს. კენჭისყრაში მონაწილეობა არ მიუღია ოპოზიციას. კენჭისყრამდე, ზურაბ პატარაძემ უმაღლეს საბჭოში იმ გეგმებზე ისაუბრა, რომელიც მისი მთავრობის თავმჯდომარედ არჩევის შემთხვევაში, აჭარაში განხორციელდება. მათ შორის, ეკონომიკის, განათლების, კულტურისა და ტურიზმის მიმართულებით. თავის მხრივ, ზურაბ პატარაძემ 10 დღის ვადაში, უმაღლეს საბჭოს მინისტრთა კაბინეტის წევრთა კანდიდატურები უნდა წარუდგინოს, თუმცა დეპუტატები ამბობენ, რომ მთავრობის თავმჯდომარე, კონსტიტუციით განსაზღვრულ ამ ვადას ბოლომდე არ გამოიყენებს და მთავრობის ახალი შემადგენლობის არჩევა, უფრო ადრე მოხდება. ზურაბ პატარაძე, აჭარის მთავრობის თავმჯდომარედ, უმაღლეს საბჭოში, მეორედ აირჩიეს, პირველად, მისი არჩევა, პრეზიდენტის წარდგინებით, მესამე მოწვევის დეპუტატების მიერ მოხდა. მეოთხე მოწვევის უმაღლესი საბჭო, 8 ოქტომბრის არჩევნების შემდეგ, 28 ნოემბერს შეიკრიბა.
მესტიის მერი კაპიტონ ჟორჟოლიანი: ნენსკრა ჰესის პროექტი სვანეთის განვითარებაში უდიდეს როლს ითამაშებს

მესტიის მერი კაპიტონ ჟორჟოლიანი: ნენსკრა ჰესის პროექტი სვანეთის განვითარებაში უდიდეს როლს ითამაშებს

27 აგვისტო, 2018

რამდენიმე დღის წინ მესტიაში ნენსკრას ჰიდროელექტროსადგურის პროექტის განმახორციელებელ კომპანია სს „ნენსკრა ჰიდროსა“ და მესტიის მუნიციპალიტეტის მერიას შორის ურთიერთთანამშრომლობის მემორანდუმი გაფორმდა. ხელშეკრულების ფარგლებში...

ახალი სტატიები
პოპულარული სტატიები