ციხელაშვილი: ვიზალიბერალიზაციის სარგებელი ხელმისაწვდომი უნდა გავხადოთ აფხაზებისა და ოსებისთვისაც

ციხელაშვილი: ვიზალიბერალიზაციის სარგებელი ხელმისაწვდომი უნდა გავხადოთ აფხაზებისა და ოსებისთვისაც

შერიგებისა და სამოქალაქო თანასწორობის საკითხებში სახელმწიფო მინისტრის ქეთევან ციხელაშვილის შეფასებით, საქართველოს ვიზალიბერალიზაციასთან დაკავშირებით დღეს მნიშვნელოვანი გადაწყვეტილება უნდა მიიღონ. მისი თქმით, ყველა სარგებელი, რომელიც ევროკავშირთან თანამშრომლობის ფორმატებიდან გამომდინარეობს, ხელმისაწვდომი უნდა იყოს აფხაზეთისა და ცხინვალის რეგიონის მაცხოვრებელბისათვის. „უვიზო გადაადგილების შესაძლებლობა არის ერთ-ერთი ყველაზე კონკრეტული სარგებელია, რომლითაც საქართველოს თითოეული მოქალაქე ისარგებლებს. რა თქმა უნდა ჩვენი ამოცანა გახლავთ, ამოქმედდებისთანავე მაქსიმალურად მარტივად, რის შესაძლებლობასაც პროცედურები იძლევა, ეს სარგებელი გავხადოთ აფხაზებისა და ოსებისათვის. ეს არა მხოლოდ მოგზაურობის შესაძლებლობას ჰქმნის, არამედ ძალიან ბევრ სხვა თანამდევ სარგებელსაც. ვფიქრობ, აუცილებლად იქნება ძალიან მიმზიდველი და საინტერესო წინადადება“, - აღნინა ქეთევან ციხელაშვილმა. ციხელაშვილის განცხადებით, უვიზო მიმოსვლის შესაძლებლობა იხსნება საქართველოს მოქალაქის პასპორტის მქონე ყველა პირისათვის. შესაბამისად, ამოცანაა, რომ ეს პასპორტი როგორც გეოგრაფიულად, ისე პროცედურულად, ადვილად ხელმისაწვდომი იყო ოკუპირებულ ტერიტორიებზე მცხოვრებთათვის. „რა თქმა უნდა ვაპირებთ კამპანიას. ამის შესახებ დარწმუნებული ვარ, ინფორმაცია ისედაც ვრცელდება ორივე რეგიონში, თუმცა ცხადია, ჩვენი ამოცანაა, მათთვის გასაგებ ენაზე კიდევ უფრო მარტივად აღსაქმელი გავხადოთ მათ შორის პროცედურული დეტალები“, - განაცხადა ციხელაშვილმა.
უსუფაშვილი: სალომე ზურაბიშვილი ღირსეული კანდიდატია, სიამოვნებით ვეპაექრები

უსუფაშვილი: სალომე ზურაბიშვილი ღირსეული კანდიდატია, სიამოვნებით ვეპაექრები

07 აგვისტო, 2018

სალომე ზურაბიშვილი ღირსეული კანდიდატია, სიამოვნებით ვეპაექრები,-ამის შესახებ „შენების მოძრაობის“ საპრეზიდენტო კანდიდატმა, დავით უსუფაშვილმა ჟურნალისტებთან განაცხადა. „ქართულმა ოცნებამ“ ვერ შეძლო საკუთარ წიაღში საპრეზიდენტო...

ახალი სტატიები
პოპულარული სტატიები