ძლიერი წვიმის შედეგად ლაგოდეხის რამდენიმე სოფელი დაზარალდა

ძლიერი წვიმის შედეგად ლაგოდეხის რამდენიმე სოფელი დაზარალდა

ძლიერი წვიმის შედეგად ლაგოდეხის მუნიციპალიტეტის რამდენიმე სოფელში წაიქცა ხეები და დაზიანდა ელექტროენეერგიის ბოძები, რის შედეგადაც მოსახლეობას ელექტროენერგია შეუწყდა.
აღნიშნულ საკითხთან დაკავშირებით "აიპრესთან" ლაგოდეხის მუნიციპალიტეტის გამგებელმა, კარლო ჯამბურიამ ისაუბრა. "ლაგოდეხის მუნიციპალიტეტში დაზიანებულია აფენის თემის, ლელიანის თემის, არეშფერანის თემისა და გიორგეთის თემის სოფლები. ასევე ახლახანს მივიღეთ ინფორმაცია, რომ ნინიგორის თემშიც არის სახლი დაზიანებული. ინფორმაცია იმის შესახებ, რომ ოჯახები თავშესაფრის გარეშე არიან დარჩენილები არის დეზინფორმაცია. სიტუაცია არის ასეთი, დიდი სახლის გვერდზე არის აშენებული პატარა საცხოვრისი ,რომელიც არის დაზიანებული. ხოლო ძირითად სახლში საძინებლებიც არის და იქ ღამის გათევაც და ცხოვრებაც შესაძლებელია. სტიქიის შედეგად სულ 20-ამდე სახლია დაზიანული. ჩვენი კომისია დადის და ითვლის ზარალს. დათვლის შემდეგ შევეცდებით მოქალაქეებს დავეხმაროთ. რაც შეეეხება ელექტროენერგიას, რამდენიმე ხე წაიქცა და დაეცა ელექტროსადენებს. მიმდინარეობს აღდგენითი სამუშაოები და დღის ბოლომდე სრული მასშტაბით მოხდება ელექტროენერგიის აღდგენა. ხოლო გაზის მილი, რომელიც დაზიანდა, მოსახლეობას არ ეხება. ეს არის კერძო მეწარმის მილი და ის თვითონ მიხედავს პრობლემას".- განაცხადა :აიპრესთან" საუბრისას ლაგოდეხის მუნიციპალიტეტის გამგებელმა, კარლო ჯამბურიამ. ზარალის ოდენობაზე ინფორმაცია დაახლოებით ორ დღეში იქნება ცნობილი. ავტორი: ნათია ჩხაიძე
სტიქია რაჭაში - რა მდგომარეობაა ამ წუთებში ონში (ფოტორეპორტაჟი)

სტიქია რაჭაში - რა მდგომარეობაა ამ წუთებში ონში (ფოტორეპორტაჟი)

14 ივლისი, 2018

ონის მუნიციპალიტეტში სტიქიაა. ონის მუნიციპალიტეტის მერის ემზარ საბანაძის განცხადებით, როგორც კი მდინარე რიონში წყლის დონე დაიკლებს, გაწმენდითი და აღდგენითი სამუშაოები დაიწყება. მივივე თქმით, სანამ ხიდის რეაბილიტირება მოხდება, დროებითი...

ახალი სტატიები