ჯეჯელავა: შემოკლებული სასწავლო პროგრამა, იმედი მაქვს, მომავალი სასწავლო წლისთვის გვექნება

ჯეჯელავა: შემოკლებული სასწავლო პროგრამა, იმედი მაქვს, მომავალი სასწავლო წლისთვის გვექნება

განათლებისა და მეცნიერების მინისტრის, ალექსანდრე ჯეჯელავას განცხადებით სასწავლო პროგრამის შემოკლება სავარაუდოდ მომავალი სასწავლო წლისთვის იქნება შესაძლებელი. როგორც მან განაცხადა, პროგრამა განსაკუთრებით გადატვირთული შუა კლასებშია. "რომ შევედაროთ ევროპის ქვეყნებს ჩვენთან, შუა კლასები არის ძალიან დატვირთული, იქ განტვირთული, შესაბამისად ბავშვი სანამ არის ბავშვი აძლევენ საშუალებას, რომ იყოს ბავშვი, გაკვეთილები აკეთოს ცოტა ხანს, არ ჰქონდეს მძიმე ჩანთა და საბოლოო ჯამში რომ არ შეჯავრდეს სწავლა და მერე ამბობენ რომ ზედა კლასებში სწავლა იყოს პრიორიტეტული. 10-12 კლასში უნდა გავაკეთოთ ისე, რომ აქცენტი იყოს მხოლოდ სწავლაზე. რა იცვლება, იმაზე საათში, რომელიც არის გამოყოფილი მაგალითად გეოგრაფიისთვის, საკითხი, თემა სარჩევში იყოს ნაკლები, ანუ მეტი დრო უნდა ჰქონდეთ ბავშვებს მასალის ასათვისებლად შუა კლასებში, ეს არის რაც შეიცვლება, რაც არის დაგეგმილი, ამაზე ვმუშაობთ. რა უნდა დარჩეს საგანში და რა უნდა ამოვიდეს ეს არის სპეციალისტებთან ერთად სამუშაო, მე ამას ცალკე ვერ გადაწტყვეტ, თუმცა ვაპირებ, რომ მასში უშუალო მონაწილეობა მივიღო, ამოცანა არის მე-5, მე-6, მე-7, მე-8 კლასელს ჰქონდეს საშუალება, რომ თავისუფალი იყოს და ის ბავშვობა რომელიც ამ პერიოდში მნიშვნელოვანია, ეს ჰქონდეს. მოკლედ, წილად თუ უნდა გაგვევლო სამ გაკვეთილზე, ახლა იქნება 4 გაკვეთილზე, პირობითად ვამბობ ამ ციფრებს. საუბარია, რომ მეტი დრო ჰქონდეს ბავშვს, ეს გამოიწვევს უკეთ ათვისებას, საშინაო დავალების შემცირებას, ჩანთა მსუბუქდება, რადგან ნაკლები წიგნი მიმაქვს ყოველ კონკრეტულ დღეს, იმის გარდა, რომ წიგნებს შევამსუბუქებთ.რაც შეეხება პროგრამას, იმას რასაც ამოვაკლებთ მე-7 კლასში, ჩავამტებთ მე-10-ში. თქვენ იცით, რომ მე-12 კლასელი დღეს არასაკმარისად დატვირთულია, ის უნდა იყოს სუოერდატვირთული თუ ემზადება შემდგომი სწავლისთვის",-განაცხადა ჯეჯელავამ. მისივე თქმით, სასწავლო პროგრამა 1-დან 4-კლასამდე ნორმალურია, 5-6 -ში შემოკლებას საჭიროებს, ხოლო მე-7, მე-8 და მე-9 კლასში ძალიან გადატვირთული პროგრამაა და მოტივაციასთან ექმნებათ შემდეგ ბავშვებს პრობლემა. "ეს დამოკლება მიმდინარეობს ამჟამად, მომავალ სასწალო წელს შეეხება მე იმედი მაქვს, მანამდე არ იქნება",-განაცხადა ჯეჯელავამ. მისივე თქმით, მეორე მნიშვნელოვანი საკითია რომ სკოლა ორიენტირებული უნდა იყოს პიროვნების აღზრდაზე. "პედაგოგს უნდა ჰქონდეს საშუალება, რომ საგნის გარდა მოსწავლეს სხვა საკითხებზე ესაუბროს, ჰქონდეს ურთიერთობა არ ამარტო ქიმიის და ბიოლოგიის საკითხებზე, არამედ ცხოვრებისეულ საკითხებზე, ამას სჭირდება დრო და ეს არის მეორე მნიშვნელოვანი ცვლილება, რომ სკოლა უნდა გახდეს ორინეტირებული პიროვნების აღზრდაზე და აქცენტი უნდა იყოს პიროვნული თვისებების ჩამოყალიბებაზე",-განაცხადა ჯეჯელავამ.  
უსუფაშვილი: სალომე ზურაბიშვილი ღირსეული კანდიდატია, სიამოვნებით ვეპაექრები

უსუფაშვილი: სალომე ზურაბიშვილი ღირსეული კანდიდატია, სიამოვნებით ვეპაექრები

07 აგვისტო, 2018

სალომე ზურაბიშვილი ღირსეული კანდიდატია, სიამოვნებით ვეპაექრები,-ამის შესახებ „შენების მოძრაობის“ საპრეზიდენტო კანდიდატმა, დავით უსუფაშვილმა ჟურნალისტებთან განაცხადა. „ქართულმა ოცნებამ“ ვერ შეძლო საკუთარ წიაღში საპრეზიდენტო...

ახალი სტატიები
პოპულარული სტატიები