თეა წულუკიანი: კანონში შემოვა ახალი ცნება - მიუსაფარი ბავშვი

თეა წულუკიანი: კანონში შემოვა ახალი ცნება - მიუსაფარი ბავშვი

"სახელმწიფოს და საზოგადოების ტკივილია, ქუჩაში მცხოვრები და მომუშავე ბავშვები. საქართველოს კანონში შემოვა ახალი ცნება, მიუსაფარი ბავშვი", - ამის შესახებ იუსტიციის მინისტრმა თეა წულუკიანმა ჟურნალისტებს მთავრობის ადმინისტრაციაში განუცხადა.
მისი თქმით, ქუჩაში მომუშავე და მცხოვრები ბავშების უფლებების უკეთესად დასაცავად, რომლებსაც მიუსაფარი ბავშვების სტატუსი მიენიჭება, შემუშავებულია კანონპროექტი, რომლის თანახმადაც, მათ საშუალება ექნებათ მიიღონ საიდენტიფიკაციო დოკუმენტი - დაბადებისა და პირადობის მოწმობები. "დღეს ამგვარი ბავშვების იდენტიფიკაცია ვერ ხდება - თუ საიდან მოდიან, ვინ არიან, რომელი ქვეყნიდან შემოვიდნენ, არიან თუ არა ჩვენი ქვეყნის მოქალაქეები და აქ დაბადებულნი, რადგან მათი იდენტიფიკაციისთვის, მათზე პასუხისმგებელი სრულწლოვანი პირები ჩვენ არ მოგვმართავენ და რეალურად, ეს ბავშვები რჩებიან იდენტიფიკაციის პროცედურების მიღმა. ამ რეფორმის შედეგად, ჩვენ მივცემთ მზრუნველობის ორგანოებს, ანუ სახლემწიფოს ჩვენდამი მომართვის უფლებას და ეს საკითხი აღარ იქნება მშობელზე, ან სხვა კანონიერ წარმომადგენელზე დამოკიდებული. დღეს მშობელი ან კანონიერი წარმომადგენელი თუ არ მოგვმართავს, ბავშვზე ჩვენ საბუთს ვერ გავცემთ. მომავლიდან მზრუნველობის ორგანოსაც ექნება მომართვის უფლება", - აღნიშნა თეა წულუკიანმა.
"ქართულმა ოცნებამ" მამუკა ბახტაძე პრემიერმინისტრობის კანდიდატად წარადგინა

"ქართულმა ოცნებამ" მამუკა ბახტაძე პრემიერმინისტრობის კანდიდატად წარადგინა

14 ივნისი, 2018

"ქართული ოცნება - დემოკრატიული საქართველოს" პრემიერმინისტრობის კანდიდატი ფინანსთა ყოფილი მინისტრი მამუკა ბახტაძე იქნება. მამუკა ბახტაძე დაიბადა1982 წელს, თბილისში. მან დაამთავრა ივანე ჯავახიშვილის სახელობის თბილისის სახელმწიფო და...

ახალი სტატიები