- Advertisement -

ბრეგაძე: ჩვენს მტერს ძალის გამოყენება უნდა, ამის ფუფუნებას არავის მივცემთ

3

“დრამატულ სცენარს არ ველოდები, ჩვენ მოვედით როგორც მშვიდობიანი მანიფესტანტები და ვაცხადებთ საქვეყნოდ, ეს არის გარყვნილება, ეს არის გარყვნილების პროპაგანდა და ამას ჩვენს ქვეყანაში არ დავუშვებ. ეს არის ჩვენი მოთხოვნა. დანარჩენი რა იქნება, ამას თქვენი თვალით იხილავთ, განსაკუთრებით მაშინ, როდესაც პრემიერის დრო მოახლოვდება.
ჩვენს მტერს ძალის გამოყენება უნდა, აქედან გამომდინარე, ჩვენ ამის ფუფუნებას არ მივცემთ არავის, რომ ძალის გამოყენების გამო, აქ რაღაც ქმედებები განახორციელოს. ვაპირებთ, მშვიდობიანად გავაკეთოთ ის, რომ ეს არ მოხდეს. თუ რას ვაპირებთ, ამას ცოტა ხანში, სულ რაღაც 1 საათში ნახავთ”,-განაცხადა  სანდრო ბრეგაძემ.
ცნობისათვის: საქართველოს კინოთეატრებში 8 ნოემბრიდან ლევან აკინის ფილმი „და ჩვენ ვიცეკვეთ“ გამოჩნდება, რომელიც ქართულ-ფრანგულ-შვედური ნამუშევარია.
ფილმმა უკვე მიიღო არაერთი საერთაშორისო ჯილდო, მათ შორის ჩიკაგოს, სარაევოსა და ოდესის კინოფესტივალის გამარჯვებული გახდა. აღნიშნული ჩვენების ჩაშლას გეგმავენ, როგორც საპატრიარქოს ნაწილი, ისე “ქართული მარშის” წარმომადგენლები, რომლებიც აანონსებენ, რომ ამ ფილმის ჩვენებას ყველა კინოთეატრში ჩაშლიან.
ასევე, ბიზნესმენმა ლევან ვასაძემ განაცხადა:  გავწევთ პოლიციელებს, მაინც შევალთ კინოთეატრებში და ვთიშავთ ფილმის “და ჩვენ ვიცეკვეთ” ჩვენებას.
საზოგადოების მხრიდან მაღალი ინტერესის გამო, ფილმზე დასასწრები ყველა ბილეთი გაყიდულია. ასევე, საქართველოს კინემატოგრაფიის ეროვნული ცენტრი ფილმ And then we danced-ის პრემიერის ჩაშლის დაანონსების გამო, შეშფოთებას გამოთქვამს და ყველა ადამიანს მოუწოდებს მოუწოდებს, თავი შეიკავონ ფილმის ჩვენების ხელის შეშლისგან.
The post ბრეგაძე: ჩვენს მტერს ძალის გამოყენება უნდა, ამის ფუფუნებას არავის მივცემთ appeared first on IPRESS.GE.

Comments
Loading...