ზაალ უდუმაშვილმა საარჩევნო შტაბის ხელმძღვანელად გრიგოლ ვაშაძე წარადგინა
"ნაციონალური მოძრაობის" საარჩევნო შტაბის ხელმძღვანელად თბილისის მერობის კანდიდატმა ზაალ უდუმაშვილმა საგარეო საქმეთა ყოფილი მინისტრი გრიგოლ ვაშაძე წარადგინა.
"აქ არ იყო მნიშვნელოვანი ფაქტორი საარჩევნო პროცესებში მონაწილეობის გამოცდილება. ბატონ გრიგოლს სხვა ბევრი გამოცდილება აქვს დაგროვებული. ის არის გამოცდილი დიპლომატი, ის არის საგარეო საქმეთა ყოფილი მინისტრი. არის ძალიან ღირსეული პიროვნება. სწორედ ეს იყო ჩემთვის განმსაზღვრელი და სწორედ ამიტომ შევთავაზე შტაბსის ხელმძღვანელობა", – განაცხადა უდუმაშვილმა "დიანა ტრაპაიძის დღის ამბებში".