ირმა ინაშვილი:მორატორიუმის გამოცხადება მიწებზე ჩემი და ჩემნაირების ძალისხმევით მოხდა

"მორატორიუმი თავის დროზე იყო გამოცხადებული. ეს ჩემი და ჩემნაირების დიდი ძალისხმევის შედეგად მოხდა. უმნიშვნელოვანესია ხელისუფლებამ მკაფიო პოზიცია დააფიქსიროს და გვითხრას, რას წერს კონსტიტუციაში,"-განაცხადა "პატრიოტთა ალიანსის" ლიდერმა ირმა ინაშვილმა პარლამენტში.

მისი თქმით კონსტიტუციაში ზუსტი ფორმულირება უნდა მოხდეს მიწებთან დაკავშირებით.

"გვითხრეს, აისახება კონსტიტუციაში, რომ ქართული მიწა არ უნდა გაიყიდოს . ახლა ველოდები უფრო კონკრეტულ ფორმულირებას, რა ფორმულირება იქნება წარმოდგენილი და კონსტიტუციას რა რეგულაციებით გაამკაცრებს ორგანული კანონი" -განაცხადა ირმა ინაშვილმა