მერია: გარე განათება, ზაფხულში, ყოველდღიურად, 20:45 საათზე პროგრამულად ირთვება

თბილისის მერიის ცნობით, გარე განათება სხვადასხვა სეზონზე სხვადასხვა დროს ირთვება და ზაფხულის დადგომასთან ერთად მისი ჩართვის დრო 20:45 საათია. 

"დედაქალაქის მასშტაბით გარე განათება სპეციალურად შედგენილი პროგრამის მიხედვით ირთვება შპს “თბილსერვის ჯგუფის” მიერ, მთელი ქალაქის მასშტაბით, გარე განათების ჩართვა ყოველდღიურად მართვისა და კონტროლის მოწყობილობის მეშვეობით ხორციელდება. არსებობს სპეციალურად შედგენილი პროგრამა, რომელიც წელიწადის სხვადასხვა სეზონზე გარე განათების ჩართვის განსხვავებულ დროს გულისხმობს. შესაბამისად, ზაფხულის დადგომასთან ერთად შეიცვალა აღნიშნული დრო და გარე განათება ყოველდღიურად, 20:45 საათზე პროგრამულად ირთვება",-აღნიშნულია განცხადებაში.