მესტიის მუნიციპალიტეტის 5 სოფელი სტიქიის გამო გარესამყაროს მოწყვეტილია

მესტიის მუნიციპალიტეტის 5 სოფელი სტიქიის გამო გარესამყაროს მოწყვეტილია,-ამის შესახებ ინფორმაცია "აიპრესს" მესტიის გამგებელმა, კახა ჟორჟოლიანმა დაუდასტურა

"სოფლები იფარი, ადაში, ჭოლა, ხაიში და ვედი რეგიონულ ცენტს მოწყვეტილია. ხანგრძლივმა და გადაუღებელმა წვიმებმა, მდინარეების ადიდება გამოიწვია. გაბიონები მთლიანად წაღებულია. მთებზე ჩამოწოლილია ზვავი. ადვილი მოსალოდნელია კლდოვანი მასისა და ქვაღორღის ცვენა. მიმდინარეობს აქტიური სამუშაოები იმისთვის, რომ მდგომარეობა არ დამძიმდეს", – განაცხადა "აიპრესთან"ჟორჟოლიანმა.