ოზურგეთის მუნიციპალიტეტში სტიქიისგან მიყენებული ზარალი მილიონ ნახევარ ლარს აჭარბებს

ოზურგეთის მუნიციპალიტეტის გამგეობა საგანგეობო რეჟიმში მუშაობს. სპეციალურმა კომისიამ ზარალის სავარაუდო ოდენობა დაადგინა. სტიქიისგან მიყენებული ზარალი მილიონ ნახევარ ლარს აჭარბებს,- ამის შესახებ ინფორმაციას ოზურგეთის მუნიციპალიტეტის გამგეობა ავრცელებს.

გუშინდელი გრიგალის შედეგად ოზურგეთის მუნიციპალიტეტის 25-მდე სოფელში ადგილობრივი მაცხოვრებლები დაზარალდნენ.

საერთო ჯამში, გადახდილია 220 კერძო საცხოვრებელი სახლის სახურავი, 15 მრავალბინიანი კორპუსი, 4 საბავშვო ბაღი და 1 ბიბლიოთეკა.

ძლიერმა ქარმა მოთხარა მრავალწლოვანი ხეები და ელექტროგადამცემი ბოძები.

ზარალი მილიონ ნახევარ ლარს აჭარბებს.

მუნიციპალიტეტის შესაბამისი სამსახურები სამაშველო სამსახურთან ერთად უწყვეტ რეჟიმში მუშაობენ