ომბუდსმენი: ოჯახსა და საზოგადოებაში ბავშვი კვლავ რჩება მოწყვლად წევრად, რომლის ხმა არ ისმის

2016 წელს სახელმწიფოს მიერ განხორციელებული პოზიტიური ცვლილებების მიუხედავად, ბავშვის უფლებების გათვალისწინება, დაცვა და ხელშეწყობა კვლავ პრობლემად რჩება,-ამის შესახებ ომბუდსმენის საპარლამენტო ანგარიშში ვკუთხულობთ. 

ომბუდსმენი მიიჩნევს, რომ ბავშვთა მიმართ ძალადობის, უკიდურესი სიღარიბისა და ბავშვის უფლებათა სხვა დარღვევების აღმოსაფხვრელად მიღებული ზომები, არასაკმარისია.

"სახელმწიფო ზრუნვის მიღმა დარჩენილ უხილავ ბავშვებთან ერთად, არსებითად არც სახელმწიფო მზრუნველობაში მყოფი ბავშვების უფლებრივი მდგომარეობა შეცვლილა. ოჯახსა და საზოგადოებაში ბავშვი კვლავ რჩება ყველაზე მოწყვლად წევრად, რომლის ხმა, ხშირ შემთხვევაში, არ ისმის",-ვკუთხულობთ ანგარიშში.

ანგარიშის თანახმად, 2016 წელს კვლავ მაღალი იყო მიმართვიანობა სახალხო დამცველის აპარატისადმი ბავშვის უფლებების ინდივიდუალურ დარღვევებთან დაკავშირებით. ბავშვთა მიმართ ძალადობის საკითხებზე ომბუდსმენის აპარატში წლის განმავლობაში 78 შემთხვევა დაფისქირდა, სიღარიბე და ცხოვრების არასათანადო დონე იყო პრობლემა 57 შემთხვევაში.