- Advertisement -

პრემიერი: განსაკუთრებული მადლობა ჩვენს მეხანძრეებს და მაშველებს ოპერატიული მუშაობისთვის

459

 

საქართველოს პრემიერმინისტრმა გიორგი კვირიკაშვილმა მეხანძრეებსა და მაშველებს მთაწმინდის ტერიტორიაზე ოპერატიული მუშაობისთვის მადლობა გადაუხადა.

"განსაკუთრებული მადლობა მინდა გადავუხადო შსს-ს საგანგებო სიტუაციების მართვის სააგენტოს, ჩვენს მეხანძრეებს და მაშველებს ძალიან ოპერატიული მუშაობისთვის. 

მათ მთაწმინდის რაიონში საკმაოდ რთულ რელიეფზე, უმოკლეს დროში მოახდინეს ხანძრის ლოკალიზება და შემდეგ, დარჩენილი კერების სრულად ლიკვიდირება. ამით მათ საფრთხე აარიდეს მოსახლეობას. 

ამასთან, მთელი ღამის განმავლობაში ჩვენი შესაბამისი სამსახურები მობილიზებულნი იყვნენ შემთხვევის ადგილზე და ატარებდნენ პრევენციულ სამუშაოებს. ფაქტზე დაწყებულია გამოძიება. 

კიდევ ერთხელ მინდა მადლობა გადავუხადო ყველას, ვინც საკუთარი სიცოცხლის რისკის ფასად, უზრუნველყო ხანძრის ლიკვიდირება და მოსახლეობისთვის საფრთხის არიდება", – განაცხადა გიორგი კვირიკაშვილმა. 

Comments
Loading...