- Advertisement -

პრემიერი პუტინის დე ფაქტო აფხაზეთში ვიზიტზე: ეს წართმეული რეგიონების დაკანონების მცდელობაა

408

საქართველოს პრემიერმინისტრმა გიორგი კვირიკაშვილმა დღევანდელ მთავრობის სხდომაზე მედიით გავრცელებულ ინფორმაციაზე, რომელშიც საუბარია რუსეთის ფედერაციის პრეზიდენტის, ვლადიმერ პუტინის,დე-ფაქტო აფხაზეთში დაგეგმილ ვიზიტზე, გამოეხმაურა და განაცხადა: 

„მინდა აღვნიშნო ჩვენს ოკუპირებულ რეგიონებში რუსეთის მაღალი თანამდებობის პირების ვიზიტთან დაკავშირებით. ეს განცხადებები, რომლებიც ჩვენ მოვისმინეთ, ემსახურება იმ პოლიტიკის გაგრძელებას, რომლის მოწმენიც ჩვენ ვართ. ეს არის საქართველოსთვის ძალისმიერად წართმეული რეგიონების მდგომარეობის დაკანონების მცდელობა და რა თქმა უნდა, ჩვენ ყველაფერი უნდა გავაკეთოთ, რომ ჩვენი საერთაშორისო სტრატეგიული პარტნიორების მხარდაჭერით მშვიდობიან, კონსტრუქციულ რეჟიმში შევძლოთ, რომ რუსეთთან პოლიტიკურად დავარეგულიროთ ჩვენი კონფლიქტი და რა თქმა უნდა, საოკუპაციო ხაზის ორივე მხარეს მცხოვრები ჩვენი მოსახლეობა შევარიგოთ და გავაერთიანოთ ჩვენი ქვეყანა. ეს არის ჩვენი მთავარი ამოცანა და ამ ამოცანის წარმატებით განხორციელებაში არცერთ ჩვენგანს და მე პირადად ეჭვი არ მეპარება“, – განაცხადა პრემიერმა.

Comments
Loading...