- Advertisement -

პრემიერი: “რუსთავი 2”-ის საკითხი გაზვიადებულია, მე არ მივანიჭებდი ამხელა მნიშვნელობას

596

 

პრემიერ-მინისტრმა იტალიაში ვიზიტისას, ასევე ისაუბრა რუსთავი2-ის საქმეზე სტრასბურგის ადამიანის უფლებათა დაცვის სასამართლოს გადაწყვეტილების შესახებ და აღნიშნა, რომ პროცესი, რომელიც მიმდინარეობს ორ კერძო სუბიექტს შორის დავით, ამავე ჭრილში გაგრძელდება. 

"პროცესი გრძელდება ჩვეულებრივ. ჩვენ აქამდეც ვაცხადებდით, რომ ეს არის ორ კერძო სუბიექტს შორის დავა და სწორედ ამ ჭრილში გაგრძელდება ეს პროცესი. არანაირი გაზვიადება ამ მოვლენის არ გვამრთებს- ეს არის ჩვეულებრივი პროცესი. ჩვენ, რა თქმა უნდა, გავაგრძელებთ ჩვენი მხრიდან ინფორმაციის მიწოდებას.

საერთოდ მგონია, რომ ეს საკითხი როგორც თავიდანვე იყო გაზვიადებული, ასევე რჩება დღესაც. მე, მაგალითად, არ მივანიჭებდი ამხელა მნიშვნელობას ამ საკითხს. ეს არის ჩვეულებრივი იურიდიული საქმე, რომელზეც იუსტიციის სამინისტრო იმ პროცესუალურ ქვედებებს, რაც მას მართებს. სახელმწიფოს ინსტიტუციები მუშაობენ, ჩვენ და ჩვენს მოსახლეობას გვაქვს სრული ნდობა ამ ინსტიტუციების მიმართ და ამ მხრივ არანაირი ბზარი არ შეიძლება რომ იყოს,”-განაცხადა პრემიერმა ჟურნალისტებთან საუბრისას.

Comments
Loading...