- Advertisement -

პრემიერი: ჩვენ გვექნება 10 სამინისტრო და 1 სახელმწიფო მინისტრის აპარატი

212

"ჩვენ შევიმუშავეთ მთავრობის მცირე კონცეფცია მაქსიმალურად მოქნილი და ოპერატიული თავისი გადაწყვეტილებების მიღებაში. ჩვენს მიერ წარმოდგენილი ახალი სტრუქტურით ჩვენ გვექნება 10 სამინისტრო და 1 სახელმწიფო მინისტრის აპარატი", – ამის შესახებ პრემიერმინისრმა მამუკა ბახტაძემ ჟურნალისტებთან განაცხადა.

ცვლილებების მიხედვით, კულტურისა და სპორტის სამინისტრო შეერწყმება განათლებისა და მეცნიერების სამინისტროს, სასჯელაღსრულების სამინისტრო შეერწყმება იუსტიციის სამინისტროს, ოკუპირებული ტერიტორიებიდან იძულებით გადაადგილებულ პირთა, დევნილთა და განსახლების სამინისტრო უქმდება და მისი უწყებები გადანაწილდება სამ სხვადასხვა უწყებაზე: დევნილთათვის განსახლების მიმართულება გადავა რეგიონული განვითარებისა და ინფრასტრუქტურის სამინისტროში, მიგრაციის კომპონენტს შსს შეითავსებს, ხოლო სოციალური პოლიტიკა შეუერთდება ჯანდაცვის სამინისტროს. გარდა ამისა, რელიგიის სააგენტო შეუერთდება შერიგებისა და სამოქალაქო თანასწორობის საკითხებში სახელმწიფო მინისტრის აპარატს, ეკონომიკის სამინისტროს სივრცითი განვითარების კომპონენტი კი გადავა რეგიონული განვითარებისა და ინფრასტრუქტურის სამინისტროში.

Comments
Loading...