- Advertisement -

პრემიერი ჩინურ ბიზნესკომპანიებს: საქართველო ღიაა ჩინური ინვესტიციებისთვის

548

საქართველოს პრემიერ–მინისტრი გიორგი კვირიკაშვილი წამყვანი ჩინური ბიზნესკომპანიების წარმომადგენლებს შეხვდა. მხარეებმა საქართველოს საინვესტიციო პოტენციალი და თანამშრომლობის პერსპექტივები განიხილეს. შეხვედრის შესახებ ინფორმაციას მთავრობის ადმინისტრაცია ავრცელებს.

შეხვედრაზე აღინიშნა, რომ ჩინეთი საქართველოს ერთ-ერთი ყველაზე მნიშვნელოვანი ეკონომიკური პარტნიორი და უმსხვილესი ინვესტორია, რომელთანაც თავისუფალი ვაჭრობის შესახებ შეთანხმება აკავშირებს. გამოითქვა იმედი, რომ საქართველოსა და ჩინეთს შორის თავისუფალი ვაჭრობა კიდევ უფრო განამტკიცებს მჭიდრო პარტნიორობას. 

„ორიოდე კვირის წინ ხელი მოვაწერეთ ჩინეთთან თავისუფალი სავაჭრო შეთანხმებას, რაც არის წინგადადგმული ნაბიჯი ჩვენს ორმხრივ ურთიერთობებში. საქართველო გახდა ქვეყანა, რომელსაც ყველაზე ლიბერალური ორმხრივი ეკონომიკური ურთიერთობა აქვს ჩინეთთან ამ რეგიონში. მინდა იცოდეთ, რომ საქართველო ღიაა ჩინური ინვესტიციებისთვის,“–განაცხადა პრემიერმა შეხვედრაზე. 

შეხვედრაზე საუბარი შეეხო საქართველოში არსებულ ბიზნესგარემოს და ხაზი გაესვა ჩინური კომპანიების მხრიდან საქართველოთი დაინტერესების მზარდ დინამიკას. 

მთავრობის ადმინისტრაციაში გამართულ შეხვედრას საქართველოს კონომიკისა და მდგრადი განვითარების მინისტრი გიორგი გახარია და საპარტნიორო ფონდის აღმასრულებელი დირექტორის მოადგილე ნათია თურნავა დაესწრნენ.

Comments
Loading...