საზღვაო ტრანსპორტის სააგენტო: ვარკვევთ ქერჩთან ჩაძირულ გემზე იყო თუ არა ქართველი მეზღვაური

შავ ზღვაში, ქერჩის სრუტესთან ჩაძირულ გემზე ქართველი მეზღვაურის შესახებ ინფორმაცია არ აქვთ საზღვაო ტრანსპორტის სააგენტოში. როგორც "აიპრესს" სააგენტშო განუცხადეს, ამ ეტაპზე ინფორმაციის გაკრვევას ცდილობენ. 

"ვარკვევთ მაგ ინფორმაციას, უბრალოდ ჯერ-ჯერობით არ გვაქვს არანაირი ინფორმაცია, იმიტომ რომ ოკუპირებულ ტერიტორიაზე მოხდა. ჩვენა არანაირი დიპლომატიური კავშირი არ გვაქვს რუსეთთან, ამიტომ ვცდილობთ ყველანაირად გავარკვიოთ ინფორმაცია",-განაცხადეს სააგენტოს საზოგადოებასთან ურთიერთობის სამსახურში. 

BBC-ის ინფორმაციით, შავ ზღვაში, ქერჩის სრუტესთან ახლოს გემი ჩაიძირა.  როგორც ოკუპირებული ყირიმის ე.წ. საგანგებო სამსახური იტყობინება. სატვირთო ხომალდზე 12 ადამიანი იმყოფებოდა, მათივე ინფორმაციით, მათ შორის 1 ქართველი მეზღვაურია. არაოფიციალური ცნობებით, 5 მეზღვაური ნაპოვნია. მიმდინარეობს სამაშველო ოპერაცია.