სოფელ ქვიტირში 5 ცხენი მოიპარეს

ქურდობა მოხდა წყალტუბოს რაიონის სოფელ ქვიტირში.

სოფლის ერთ-ერთ უბანში ხუთი ცხენი მოიპარეს. მეპატრონეებს არ აქვთ ინფორმაცია, რა მოხდა შემთხვევის ღამეს.

ყვებიან, რომ გვიან ღამით ცხენები ეზოში ყავდათ დაბმული, დილით კი არცერთი არ დახვდათ.

მოპარულ ცხენებს შორის ერთ-ერთი წლების განმავლობაში ფაეტონით ქვეყნის მასშტაბით გამართულ სხვადასხვა კულტურულ ღონისძიებებში მონაწილეობდა.

მომხდარზე მიმდინარეობს გამოძიება.