- Advertisement -

წიკლაური: კორკოტაშვილის და სხვა კლოუნების წინააღმდეგ გამართული მარშები უმეცრებაა ან ფარისევლობა

653

"კორკოტაშვილის, წითელაშვილის და ოცნების მიერ ქართველ ურაპატრიოტებად დანიშნული სხვა კლოუნების წინააღმდეგ გამართული საპროტესტო მარშები ან გულუბრყვილო უმეცრებაა ან ფარისევლობა",-ამის შესახებ "ნაციონალური მოძრაობის" წარმომადგენელი ნუგზარ წიკლაური სოციალურ ქსელში წერს. 

ასეთებს წინასაარჩევნოდ კიდევ ბევრს გამოყრიან, რათა მთავარი ბოროტებიდან ყურადღება მეორეხარისხოვან, მყვირალა არარაობებზე გადაიტანონ.
ბოროტებას და ქვეყნის მტრობას ერთი სახელი აქვს: ივანიშვილი და მისი კორუმპირებული მთავრობა.

ისრების კორკოტებზე გადატანა და საზოგადოების დეზორიენტაცია თვით ივანიშვილის სურვილია.
პროტესტი, რომელიც არ არის ივანიშვილის მთავრობის წინააღმდეგ მიმართული, რეალურად ემსახურება ოცნების ინტერესებს",-წერს ნუგზარ წიკლაური. 

დღეს "ევროპული საქართველო" აღმაშენებლის გამზირზე მარშს გამართავს და ქართველა მარშის ორგანიზატორების ქმედებებს გააპროტესტებს. დღესვე იგეგმება  "ქართველთა მარშის" კონტრაქციაც.

Comments
Loading...