ხოშტარია: მუხთარლის საქმეზე გომელაური და მღებრიშვილი პარლამენტში უნდა მოვიდნენ

"ევროპული საქართველო" აზერბაიჯანელი ჟურნალისტის საქმესთან დაკავშირებით შს მინისტრს პარლამენტში იბარებს,-ამის შესახებ ფრაქციის თავმჯდომარემ ელენე ხოშტარიამ განაცხადა. 

"ჩვენ უნდა ვაიძულოთ ხელისუფლება, რომ გასცენ კითხვებს პასუხი. თუ ეს გაუვიდა ხელისუფლებას, იმას ნიშნავს, რომ ჩვენ ყველა მოქალაქე, ყველა პოლიტიკოსი ხელს ვაწერთ რომ ჩვენი სახელმწიფო არ არსებობს. აღარ ვლაპარაკობ იმ საერთაშორისო ზიანზე, იმ მორალურ მხარეზე, რომელიც წარმოუდგენელია ამ სიტუაციაში.

ჩვენ მოვითხოვეთ შს მინისტრის და სუს-ის მოსვლა პარლამენტში, რომ სერიოზულად გასცენ პასუხი ყველა კითხვას და გაასაჯაროონ ჩანაწერები,’’ – განაცხადა ელენე ხოშტარიამ.