- Advertisement -

ჯანდაცვის სამინისტრო: C ჰეპატიტის ელიმინაციის პროგრამა უწყვეტად გრძელდება

662

ჯანდაცვის სამინისტროს ინფორმაციით, საზოგადოებაში გავრცელებული ინფორმაცია, C ჰეპატიტის ელიმინაციის სახელმწიფო პროგრამის შეწყვეტასთან დაკავშირებით სიმართლეს არ შეესაბამება. განცხადებაში აღნიშნულია, რომ პროგრამა გრძელდება უწყვეტად, დაავადების სრულ აღმოფხვრამდე და დღემდე პროგრამაში 32 000 პაციენტი ჩაერთო. 

"მედიკამენტის მწარმოებელ კომპანია გილეადსა და საქართველოს მთავრობას შორის თანამშრომლობა გრძელდება. მხარეებს შორის გაფორმებული 10 წლიანი ხელშეკრულების მიხედვით, საქათველოს ნებისმიერ მოქალაქეს, დამატებითი კრიტერიუმის გარეშე შეუძლია ისარგებლოს C ჰეპატიტის ელიმინაციის სახელმწიფო პროგრამით და უახლესი თაობის მედიკამენტები უსასყიდლოდ მიიღოს.

დღემდე, პროგრამაში 32 000-მდე პაციენტი ჩაერთო. შემთხვევების 90%-ში კი მკურნალობა წარმატების დასრულდა. ამავდროულად აქტიურად მიმდინარეობს სკრინინგული ღონისძიებები. საქართველოს მასშტაბით ტარდება უფასო სკრინინგული კვლევები ადრეულ სტადიაზე დაავადების გამოსავლენად და მკურნალობის პროცესში პაციენტთა დროულად ჩასართავად, რაც უმნიშვნელოვანესია ასეთი დაავადების სამკურნალოდ. C ჰეპატიტის ელიმინაციის პროგრამა წარმოადგენს საერთაშორისო ორგანიზაციების დაინტერესების საგანს.

აშშ-ს CDC და ჯანდაცვის მსოფლიო ორგანიზაცია (WHO) აქტიურად არიან ჩართული როგორც პროგრამის მიმდინარეობის შეფასების, ასევე, C ჰეპატიტის ელიმინაციის გრძელვადიანი სტრატეგიის შემუშავების პროცესში. პროგრამა მიმდინარეობს გეგმის მიხედვით, რაც ყოველწლიურად პროგრამაში 20 000-დან 30 000-მდე მოქალაქის ჩართვას გულისხმობს. ჯანდაცვის სამინისტრო მოუწოდებს, საქართველოს ყველა მოქალაქეს ეწვიოს C ჰეპატიტის მართვის ცენტრს (ფალიაშვილის 110) ჩაიტაროს სკრინინგი უსასყიდლოდ და საჭიროების შემთხვევაში ჩაერთოს პროგრამაში. ასეთივე მართვის ცენტრი სულ მალე ზუგდიდშიც გაიხსნება",-აღნიშნულია განცხადებაში. 

Comments
Loading...