IRI: საქართველოს ევროკავშირში გაწევრიანებას მხარს გამოკითხულთა 64% უჭერს
საერთაშორისო რესპუბლიკურმა ინსტიტუტმა (IRI) 2017 წლის 22 თებერვალი-8 მარტის კვლევების შედეგები გამოაქვეყნა. ანგარიშის თანახმად, საქართველოს ევროკავშირში გაწევრიანებას გამოკითხულთა 64% სრულად უჭერს მხარს.
ორგანიზაციის კვლევის მიხედვით, გასული წლის მარტში, ანალოგიური გამოკითხვის მაჩვენებლის მიხედვით, საქართველოს ევროკავშირში გაწევრიანებას მხარს 63% სრულად უჭერდა, ხოლო 2015 წელს – 62%.
