სახელმწიფო უსაფრთხოების სამსახურის მიერ გავრცელებულ ინფორმაციას „ხალხის ძალის" ერთ-ერთი ლიდერი, გურამ მაჭარაშვილი ეხმაურება. მედიასთან საუბრისას მაჭარაშვილმა განაცხადა, რომ „ხალხის ძალამ" არაერთხელ გამოაქვეყნა იმის მტკიცებულებები, რომ გლობალური ომის პარტია საქართველოში რევოლუციურ სცენარს ამზადებდა.
"ჩვენ, „ხალხის ძალამ“ არაერთხელ გამოვაქვეყნეთ მტკიცებულებები, რომ გლობალური და ლოკალური ომის პარტია და მათი წევრები ამზადებდნენ, ამის მცდელობაც არაერთგზის ჰქონდათ, რევოლუციურ სცენარებს და არეულობებს. ეს ჩვენ ვიხილეთ მათ შორის „მოლოტოვის კოქტეილებით" და პარლამენტში დაპირისპირებებით," - განაცხადა გურამ მაჭარაშვილმა.
ცნობისთვის, სუსის განცხადებით: გიორგი ლორთქიფანიძე, მიხეილ ბატურინი და მამუკა მამულაშვილი მიმდინარე წლის ოქტომბერ-დეკემბერში საქართველოში გეგმავს სამოქალაქო არეულობის მოწყობას
