ფინანსთა სამინისტროს საგამოძიებო სამსახურმა ჯანდაცვის ყოფილი მინისტრის, ზურაბ აზარაშვილის მოადგილე ილია ღუდუშაური დააკავა.
ფინანსთა სამინისტროს საგამოძიებო სამსახურში ილია ღუდუშაურის დაკავებაზე ბრიფინგი 14 :00 საათზე ჩაინიშნა. სადაც სავარაუდო გაირკვევა რა ედავებიან ჯანდაცვის მინისტრს ყოფილ მოადგილეს.
ადვოკატის დიმიტრი მჭედლიშვილის თქმით, ღუდუშაური წინასწარი მოთავსების იზოლატორშია გადაყვანილი. ამ დრომდე მას ბრალი არ აქვს წარდგენილი.
2022 წლის 3 იანვარს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ზურაბ აზარაშვილმა, თანამშრომლებს ახალი მოადგილე ილია ღუდუშაური წარუდგინა.
ღუდუშაური სამინისტროს საფინანსო-ეკონომიკურ მიმართულებას ხელმძღვანელობდა. მის საკურატოროში შედიოდა სამინისტროს სხვადასხვა საჯარო სამართლის იურიდიული პირი, მათ შორის: დევნილთა და ეკომიგრანტთა საარსებო წყაროებით უზრუნველყოფის სააგენტო, საგანგებო სიტუაციების კოორდინაციისა და გადაუდებელი დახმარების ცენტრი, ჯანმრთელობის ეროვნული სააგენტო. ასევე ა(ა)იპ საქართველოს სამედიცინო ჰოლდინგი და ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკული ცენტრი.
ლია ღუდუშაური მანამდე საგანმანათლებლო და სამეცნიერო ინფრასტრუქტურის განვითარების სააგენტოს დირექტორი იყო.
2017-2018 წწ. იკავებდა მუნიციპალური განვითარების ფონდის, დირექტორის მოადგილის თანამდებობასაც.
