უკრაინაში მიმდინარე საომარი მოქმედებების გამო საქართველოში შემოსული უკრაინის მოქალაქეები და უკრაინაში მუდმივი ცხოვრების უფლების მქონე პირები, 2025 წლის პირველ ივლისამდე, ოჯახზე 300-ლარიან, პირზე კი, 45 ლარის ოდენობით დახმარებას მიიღებენ.
შესაბამისი განკარგულება საქართველოს მთავრობამ გამოსცა. განკარგულებას ხელი მოაწერა პრემიერ-მინისტრმა ირაკლი კობახიძემ.
დაფინანსების გაცემას უზრუნველყოფს სოციალური მომსახურების სააგენტო.
ასევე, 2022 წლის პირველი თებერვლიდან 2025 წლის პირველ ივლისამდე საქართველოში შემოსულ და უწყვეტად მყოფ უკრაინის მოქალაქეებს საქართველოს ჯანდაცვის სამინისტრო სამედიცინო სერვისებით უზრუნველყოფს.
