ირანი უკიდურესად ცუდად, ზოგი კი იტყოდა, არაკეთილსინდისიერად იქცევა, ჰორმუზის სრუტეში ნავთობის შეუფერხებელი გატარების უზრუნველყოფისთვის. ეს არ არის ის შეთანხმება, რომელიც ჩვენ გვაქვს! - ამის შესახებ ამერიკის შეერთებული შტატების პრეზიდენტი დონალდ ტრამპი სოციალურ ქსელში წერს.
ტრამპმა ადრე განაცხადა, რომ ირანი ჰორმუზის სრუტის გავლისთვის ხომალდებს გადასახადს აკისრებს და თეირანმა ეს ქმედება უნდა შეწყვიტოს.
ცნობისთვის, ირანი პარასკევს პაკისტანის დედაქალაქ ისლამაბადში აშშ-სთან ომის დასრულების შესახებ ორკვირიან მოლაპარაკებებს დაიწყებს, ნათქვამია ქვეყნის ეროვნული უშიშროების უმაღლესი საბჭოს განცხადებაში და იქვე აღნიშნულია, რომ მოლაპარაკებების პერიოდი შეიძლება გაგრძელდეს ორივე მხარის თანხმობის შემთხვევაში.
განცხადებაში ნათქვამია, რომ ომის დასრულება დამოკიდებული იქნება აშშ-ს მიერ ირანის მიერ პაკისტანის მეშვეობით გადაცემულ 10-პუნქტიან განცხადებაში ჩამოყალიბებული მოთხოვნების აშშ-ის მიერ მიღებაზე.
განცხადებაში ხაზგასმულია, რომ „ეს არ ნიშნავს ომის დასრულებას და ირანი დათანხმდება მის დასრულებას მხოლოდ მაშინ, როდესაც 10-პუნქტიან გეგმაში ასახული პრინციპების მიღების გარდა, მოლაპარაკებების გზით საბოლოოდ დაზუსტდება დეტალები “.
განცხადებაში ნათქვამია, რომ პირობებზე შეთანხმდა უზენაესი ლიდერთან, მოჯთაბა ხამენეისთან.
