ინფრასტრუქტურის სამინისტროს მუნიციპალური განვითარების ფონდმა გამოაცხადა ტენდერი სოფელ ატენის 300 მოსწავლეზე გათვლილი საჯარო სკოლის პროექტირებისა და რეაბილიტაციისთვის.
პროექტი ითვალისწინებს სკოლის შენობის მდგომარეობის შეფასებას და ექსპერტების დასკვნის საფუძველზე მისი განახლების დეტალური გეგმის მომზადებას.
ხელშეკრულების ფარგლებში, დაგეგმილია ატენის საჯარო სკოლის შენობის პროექტირება, რეაბილიტაცია და რეკონსტრუქცია, საჭიროების შემთხვევაში კი გამაგრებითი სამუშაოების ჩატარება.
