უბედური შემთხვევა მოხდა გურჯაანის მუნიციპალიტეტის სოფელ გურჯაანში.
არსებული ინფორმაციით, საცხოვრებელ სახლში მიმდინარე სარემონტო სამუშაოების დროს კედელი ჩამოინგრა. ნანგრევებში მოყვა მამაკაცი, რომელიც მძიმე დაზიანებების გამო ადგილზე გარდაიცვალა, დაშავდა კიდევ ერთი პირი.
შემთხვევის ადგილზე მობილიზებულია პოლიცია, მიმდინარეობს საგამოძიებო მოქმედებები.
